جامعہ انوار العلوم میں داخلے جاری ہیں، مزید معلومات کے لیے ابھی کال کریں: 0123456789

طریقہ تعاون

عرض تعاون

اس درسگاہ میں اللہ تعالیٰ کے فضل و کرم سے علوم اسلامیہ کی ادنیٰ سے اعلیٰ درجات تک معیاری تعلیم دی جاتی ہے، اور جدید علوم وفنون کی پہلی جماعت سے میٹرک تک تعلیم کا بھی خصوصی انتظام ہے۔ ایک سو سے زائد مدرسین و علمائے کرام تعلیم دے رہے ہیں، تقریباً تین ہزار طلباء و طالبات کراچی، سندھ، بلوچستان، پنجاب، سرحد، کشمیر، سری لنکا، بنگلہ دیش، برما، ایران، افغانستان، وسط ایشیا، انڈونیشیا، تھائی لینڈ، ترکی، خلیجی ریاستوں، افریقہ، یورپ، امریکہ اور کینیڈا وغیرہ کے زیر تعلیم ہیں، جن میں سے فی الحال تقریباً ۱۵ سوسے زائد طلبہ کے طعام و قیام، کتب اور جملہ ضروریات کا انتظام جامعہ دارالعلوم کراچی کی طرف سے مفت کیا جاتاہے۔
اس کے علاوہ شہر و مضافات کراچی میں قرآنی تعلیم کے تقریباً ستائیس مکاتب قائم ہیں، ان میں تقریباً چار ہزار بچے زیر تعلیم ہیں، نئی ضروری تعمیرات کا سلسلہ بھی جاری ہے۔
جامعہ دارالعلوم کراچی کے مختلف تعلیمی، تحقیقی، تصنیفی اور تبلیغی شعبوں سے استفادہ کرنے والوں کی تعداد اور عامۃ الناس کا رجوع مسلسل بڑھ رہاہے، جس کے باعث اب تک کی تمام تعمیرات ناکافی ہوگئی ہیں اس لئے جدید تعمیرات کا سلسلہ بھی بڑے پیمانے پر جاری ہے۔ جس میں تعاون ایک بڑا پائیدار صدقہ جاریہ ہے۔
ان سب مصارف کا مدار صرف اللہ تعالیٰ کی توفیق سے اہل خیر حضرات کی مالی امداد پر ہے، اس دورِالحادوفتن میں اسلامی تعلیمات کی حفاظت و اشاعت کی ضرورت کسی مسلمان سے مخفی نہیں۔
جامعہ دارالعلوم کراچی کیلئے امدادی رقوم ذیل کے پتہ پر بھیجی جا سکتی ہیں، جس کی رسید وصولیابی کے فوراً بعد روانہ کی جاتی ہے، اگر کوئی رقم زکوٰۃ صدقہ جاریہ یا کسی اور خاص مد کی بھیجی جائے تو اس کی صراحت فرمادی جائے ایسی مدات کو جامعہ دارالعلوم کراچی میں علیحدہ رکھنے اور ان کے خاص مصرف پر خرچ کرنے کا پورا اہتمام کیا جاتاہے۔